Кыргызстан
КЫРГЫЗ РЕСПУБЛИКАСЫНЫН БИЛИМ БЕРҮҮ ЖАНА ИЛИМ МИНИСТРЛИГИ
РМО
РЕСПУБЛИКАЛЫК МАТЕМАТИКАЛЫК ОЛИМПИАДА
Алтын Туйун
БАЛДАРДЫН УЛУТТУК
ИНЖЕНЕРДИК-ТЕХНИКАЛЫК АКАДЕМИЯСЫ

КЫРГЫЗСТАНДА "ЖАШ ПИФАГОРЛОР ИЛИМ ЖАНА ТЕХНИКА ДҮЙНӨСҮНДӨ" РМО АЯКТАДЫ

2022-жылдын 15-майынан 17-май аралыгында «Кыргызское взморье» санаториясында КР ББИМ жана «Алтын түйүн» УБИТА тарабынан уюштурулган, "Жаш пифагорлор илим жана техника дүйнөсүндө" математика боюнча республикалык олимпиадасынын финалы болуп өттү.

"Жаш пифагорлор илим жана техника дүйнөсүндө" РМО – Кыргызстандагы окуучулар арасында өткөрүлүп келе жаткан математика боюнча олимпиадалардын эӊ эле кеӊири таралган түрү. Жыл сайын ага Кыргыз Республикасынын 4 миӊден ашуун окуучусу катышат, ал эми акыркы үч жыл ичинде – Казакстан Республикасынын окуучулары дагы катышууда. Катышууну каалаган ар бир эле бала математика боюнча кандай билим деӊгээлине ээ экендигине карабастан, РМОго катыша алат. Тапшырманын татаалдыгы жаш курагы боюнча бөлүнөт: 3-4-класс, 5-6-класс жана 7-8-класс. 16 жыл катары менен олимпиада биздин өлкөдө өткөрүлүп келе жатат. Анда жөндөмдүү балдарды табууга, аймактарда алардын интеллектуалдык жана чыгармачылык жактан өздөрүн табуусуна шарттарды түзүү, ошондой эле өздөрүнүн математикалык жана интеллектуалдык шыгын колдонуу менен, окуучулардын келечекте ээ боло турган кесибин тандоого көмөк көрсөтүлөт.

Бул окуу жылында РМОго 3677 окуучу катышты. 1267 жарым финалист ат салышкан аймактык турдун жыйынтыгы боюнча, финалга мыктылары гана - 121 катышуучу өткөн.

Республикалык тур, бардык олимпиада сыяктуу эле, үч жаш курактык топ боюнча: 3-4, 5-6 жана 7-8-класстар арасында өткөрүлгөн. РМО өздөрү келип катышуусунда эки номинация боюнча өткөн: жеке биринчилик, командалык таймаш. Катышуучулардын ишин компетенттүү калыстар тобу баалады. Ага Син Елисей Елисеевич төрагалык кылды – педагогика илимдеринин доктору, профессор. Калыстардын коллегиясынын курамына төмөнкүлөр кирген: Мамытбеков Ж.К. - физика-математика илимдеринин кандидаты, КР УИА жаш окумуштуулар кеӊешинин төрагасы, Намазова Г.О. - физика-математика илимдеринин кандидаты, доцент, Абдуллаева Ю.А. – математика мугалими, КР Билим берүүсүнүн отличниги жана Лихоманова Н.Н. – математика мугалими, КР билим берүүсүнүн отличниги.

Чыӊалган атаандаштык таймаштын жүрүшүндө жеке биринчиликте РМО жеӊүүчүлөрү жана байге ээлери болуп төмөнкү балдар эсептелди:

Жаш курактык категориялары «3-4-класстар»:

«5-6-класстар»:

«7-8-класстар»:

Командалык биринчиликте курама командаларга бириккен балдар математикалык мелдеште таймашкан. Мелдештин жыйынтыгы боюнча байгелүү орундар төмөнкүчө бөлүштүрүлдү:

Мындан тышкары, кызыктуу математикалык квест өттү. Анда баш катырмалар жана тапкычтыгын аныктоо боюнча бир топ тапшырмалар камтылган. I орунга Бишкек шаарынын 7-8-класстарынын, Жалал-Абад, Шамалды-Сай ш. 7-8-класстарынын, ошондой эле Баткен областынан келген 3-6-класстын окуучулары ээ болушту; II –  Жалал-Абад областынын 3-6-класстарынын, Бишкектин жана  Ош областынын курама командасынын 3-6-класстарынын жана Чүй, Нарын жана Ысык-Көл областтарынын 3-6-класстарынын окуучулары татыктуу болушту. III орунду Жалал-абад областынын 3-6 жана 7-8-класстарынын жана Жалал-Абад областынын жана Ала-Буканын 3-6-класстарынын окуучулары ээлешти.

Олимпиада аяктаганда калыстар тобу балдар арасында конкурстун тапшырмаларын карашты.

Байгелүү орундарга ээ болгон балдарды куттуктайбыз, келечекте жетишкендиктерге ээ боло беришине тилектештигибизди билдиребиз! РМО-2022 өткөрүүгө салымын кошкон бардыгына – олимпиаданын уюштуруучуларына, калыстар тобуна, «Атын түйүн» УИТБА ыктыярчыларына, ошондой эле ага катышкан республиканын бардык окуучуларына, алардын педагогдоруна жана ата-энелерине активдүү катышкандыгы үчүн ыраазычылык билдиребиз!

БАЙЛАНЫШ
Телефондор : + 996 312 315847
                    + 996 312 315874
Email: olimp@rdita.kg

БИЗ СОЦТАРМАКТАРДА
  Facebook
  Instagram


"Алтын Түйүн" БУИТА. RDITA.KG
Бардык укуктар сакталган. 2014-2022