Урматтуу балдар, мугалимдер жана ата-энелер!

               2025-жылы математика боюнча “Жаш пифагорлор илим жана техника дүйнөсүндө” республикалык олимпиадасы адаттагыдай эле апрель айынан май айына чейин үч турда: тандоо, регионалдык жана республикалык болуп өткөрүлөт.

               Биринчи эки тур (тандоо жана регионалдык) онлайн режимде, үчүнчү тур, республикалык, бетме-бет катышуу менен өткөрүлөт.

Көңүл бургула!!!

             2025-жылдын 7-апрелинен тартып “Жаш пифагорлор техника дүйнөсүндө” республикалык математикалык олимпиаданын биринчи туру башталып, ал 18-апрелге чейин созулат.

               Олимпиаданын катышуучуларына 15 суроодон турган тест сунушталат. Суроолордун тематикасы математикалык билимдин ар кандай тармактарын камтыйт. Тестти аткаруу убактысы - 90 мүнөт.

               Олимпиадага катышуу үчүн олимпиаданын катышуучулары 2025-жылдын 7-апрелинен 18-апрелине чейин уюштуруу комитети тарабынан белгиленген мөөнөттө “Жаш пифагорлор илим жана техника дүйнөсүндө” Республикалык математикалык олимпиаданын веб-сайтында олимпиаданын тапшырмаларын https://rmo.ndita.kg дареги боюнча каттоодон өтүшү керек.

Каттоо учурунда олимпиаданын ар бир катышуучусу өзүнүн кийинкидей маалыматтарын толтурат: туулгандыгы тууралуу күбөлүктүн сериясын жана номерин, фамилиясын, атын, атасынын атын, туулган жылын, шаарын, облусун, районун, мектептин номерин, классын, уюлдук телефонунун номерин көрсөтөт. Ош жана Бишкек шаарларында жашаган олимпиаданын катышуучулары өз шаарын гана көрсөтүшөт, облусун көрсөтүүнүн кереги жок.

    Катталгандан кийин олимпиаданын ар бир катышуучусу төмөнкүдөй билдирүү алат:

Сиз ийгиликтүү катталдыңыз! Сиздин ID: …………….

Эсиңизден чыгарбаңыз жана сөзсүз жазып коюңуз!!!

Бул номер келечекте олимпиаданын турларынан өткөндө керектелет!

Олимпиаданын ар бир катышуучусунун өзүнүн ID номери болот, бул мисал катары берилген.

 Көңүл бургула!!!

Эгерде сиз катталып, өзүңүздүн ID номериңизди сактап койгон болсоңуз жана учурда тестирлөөнү баштоого даяр боосоңуз, анда пайда болгон төмөнкү билдирүүнү басыңыз:

 ушундан кийин тест башталат.

Эгер сиз каттоодон өткөндөн кийин дароо тест жазууга даяр болбосоңуз, анда каттоодон өтүп, өзүңүздүн ID номериңизди сактап койгондон кийин, https://rmo.ndita.kg сайтынын менюсунан “ТЕСТТИ БАШТОО” функциясын тандап, белгиленген мөөнөттө тестти жазуу үчүн сайттан чыгып, аны ыңгайлуу убакта өтө аласыз, бул жерде сиздин сактап койгон ID керек болот.

Тандоо турунун жыйынтыгы Олимпиаданын веб-сайтында “ЖЫЙЫНТЫКТАР” бөлүмүндөгү иштердиавтоматтык түрдө текшерүү жол-жобосунан кийин көрсөтүлөт.

Кийинки турга - аймактык турга- катышуучулардын тизмелери олимпиаданын сайтында жарыяланат. 

Олимпиадага байланыштуу бардык суроолор боюнча olimp@ndita.kg электрондук дареги жана +996 312 315847 телефону аркылуу байланышууга болот. 

Ийгилик коштосун!

РМОнун уюштуруу комитети